Þessi samloka er algjör snilld í hádeginu. Hún er að fyrirmynd serranosamlokunnar hjá Joe and the Juice.
Hveitikímloka:
- 55g kím
- 1 msk hörfræ (möluð)
- 1 msk sesamfræ
- 1 tsk kúmen fræ
- Matarsódi
- Herbamare salt
- 40g grísk jógúrt
- 1dl vatn
Hræra allt saman í skál. Ég mala hörfræin í kaffikvörn. Pensla margnota bökunarpappír með olíu. Skipta deiginu og móta tvö ferhyrnd lokubrauð á bökunarpappírinn. Strá smá sesam og chiafræjun ofan á lokurnar. Hita í ofni í 15 mínútur á 180°C. Snúa brauðinu við og baka í aðrar 5-10 mínútur.
Þegar lokurnar eru tilbúnar þá er best að láta þær aðeins kólna og setja svo áleggið á.
Álegg:
- 100g Mozzarella ostur og hráskinka
- 40g klettakál
- 15g Alioli hvítlaukssmjör
Alls: 120g prótein, 40g grænmeti, 55g kím, 15g fita.
