Þessi uppskrift byggir á ketórétti frá Eldum rétt og ég gerði fráhaldsvæna útgáfu af.
Kebab hakkabollur:
- Nautahakk ca 350g
- Fetaostur 3msk
- 1egg
- 1 msk sojahveiti eða fituskert möndlumjöl
- Indversk kryddblanda / kebabkrydd
- 1tsk flögusalt
Allt hráefnið sett í skál og blandað vel saman. Bollur gerðar úr blöndunni og steikt á pönnu upp úr olíu í ca. 15 mínútur þar til bollurnar eru vel brúnaðar og eldaðar í gegn.
Blómkálsgrjón:
- Hálfur blómkálshaus
- Karrýkryddblanda
- Salt
Taka laufin af blómkálinu og setja svo blómkálið í matvinnsluvél. Láta vélina ganga þar til blómkálið líkist grjónum. Blanda kryddinu saman við.
Hita smá olíu í potti við miðlungshita og steikja grjónin í nokkrar mínútur þar til þau eru vel heit. Passa að brenna grjónin ekki. Taka pottinn af hellunni og setja lok á og láta standa í smá stund.
Vigta skammta og bera fram hakkabollur með blómkálsgrjónum og fersku salati.
Alls: 120g hakkabollur / prótein, 320g blómkálsgrjón og ferskt salat /grænmeti og 30g hvítlaukssósa. Bæta við 35 g hveitikímbrauði.