Súkkulaðibollakaka með kremi og LAVA salti

Hér er fullkomin uppskrift að fráhaldsvænni súkkulaðibollaköku með sjúklega góðu kremi úr kotasælu og sojahnetusmjöri. Hver bollakaka notar aðeins 20 g af eggi og því er best að baka þrjár múffur í einu og eiga inni fyrir aðra máltíð. Bollakökurnar ættu að teymast ágætlega í ísskáp eða í íláti við stofuhita í 2-3 daga.

Innihald bollaköku (1stk):

20 g egg
10 g fituskert möndlumjöl eða sojahveiti
10 g Erythryol
1 tsk Walden Farms sykurlaust og kaloríusnautt súkkulaðisíróp
Matarsódi á hnífsoddi
8 g mjólk
Vanilluduft (t.d. frá Sollu)
Sykurlaust French vanillusíróp (venjulegt vanillusíróp gengur líka)
2 g hreint sykurlaust kakó (má sleppa)
2 g olía (má sleppa t.d. ef borða á kökuna í morgunmat)

Byrja á því að brjóta eitt egg í skál og píska það saman í eggjahræru. Vigta svo öll hin innihaldsefnin saman í skál og setja 20 g af eggi út í blönduna. Hræra vel saman. Spreyja bollakökuform með olíu og setja deigið í formið. Elda í örbylgjuofni í 4 mínútur. Taka úr forminu og leyfa kökunni að kólana vel á disk áður en kremið er sett á.

Krem á eina bollaköku:

10 g sojahnetusmjör
10 g kotasæla
Sykurlaust French vanilla síróp
5 g ristaðar sojahnetur
LAVA salt frá Saltverk

Vigta sojahnetusmjör, kotasælu og French vanilla síróp saman í litla skál og setja í örybylgjuofn í 30 sek. Hræra vel saman þar til kremið verður silkimjúkt. Hella kreminu út á kökuna, mylja sojahneturnar og strá þeim út á kremið og setja loks smá klípu af Lava salti út á.