Hér ætti að vera aðvörun fyrir viðkvæma og vanmáttuga matarfíkla. Þessir kjúklingaleggir minna einna helst á KFC kjúklingabita. Þeir eru rosalegir. Ég rakst á þessa uppskrift hjá @actaullylowcarb á Instagram en aðlagaði hana og gerði fráhaldsvæna.
Innihald:
- 1 bakki kjúklingaleggir (100% kjúklingur)
- 1 egg
- 1 poki af KIMs purusnakki
- Gott kjúklingakrydd að eigin vali
Aðferð:
- Hakkið purusnakkið í matvinnsluvél þar til að verður mjög fíngert og kryddið með uppáhaldskjúklingakryddinu ykkar og smá salti og blandið vel saman.
- Kryddið líka sjálfa leggina smá og nuddið vel inn í skinnið.
- Brjótið egg í skál og pískið saman í eggjahræru.
- Takið hvern legg og veltið honum upp úr egginu og svo upp úr purusnakkinu.
- Steikið á pönnu í olíu með loki á á hvorri hlið í ca. 10 mínútur. Eflaust hægt að elda líka í ofni en búið ykkur undir að fitan úr purunni bulli vel í ofnmótinu sem kjúklingurinn er eldaður í.
Máltíðin mín samanstóð af:
- 120 g eldaðir kjúklingaleggir (án beina)
- 200 g grænmetisfranskar
- 200 g hrá rófa
- 30 g kokteilsósa
