Sykurlausir kanilsnúðar úr hveitikími.
Uppskrift:
- 35 g hveitikím
- 20 g sojahveiti (eða 50% fituskert möndlumjöl)
- Smá matarsódi
- 15 g sykurlaus strásæta
- 40 g mjólk
- 15 + 15 g smjör
- 1 msk sykurlaust Cinnamon síróp
Bræðið smjörið og vigtið þurrefnin, mjólkina og sírópið í skál. Blandið 15 g af smjöri við deigið í skálinni. Penslið margnota bökunarpappír með olíu. Fletjið deigið út á pappírinn í ferning . Gott að setja plast á milli deigsins og kökukeflisins.
Penslið 15 g af smjöri á deigið, stráið kanil og strásætu t.d. Erythritol eða Canderel yfir. Rúllið deiginu vandlega í rúllu. Skerið í snúða og raðið á bökunarpappírinn sem svo fer á ofnplötu inn í 180°C heitan blástursofn í ca 15 mínútur.
