Ég gjörsamlega elska skelfisk af ýmum gerðum og stór hörpudiskur er þar fremstur meðal jafninga. Þessi réttur er svo góður að vandamálið við hann er að mann langar alltaf í meira.
Að þessu sinni eldaði ég hörpudiskinn með risarækjum sem ég keyptir frosnar og lét þiðna yfir nótt. Ég byrjaði á því að smjörsteikja sveppi á pönnu. Ég kryddaði sveppina með salti, pipar, chili explosion kryddi og einum hvítlauksgeira sem ég reif með rifjárni beint út á pönnuna.
Þegar sveppirnir vou tilbúnir tók ég þá af pönnunni, bætti smá smjöri út á og skellti skelfisknum á pönnuna. Ég kryddaði með salti, pipar og chili explosion kryddinu og eldaði svo skelfiskinn þar til hann var tilbúinn. Rækjurnar voru nú þegar eldaðar og það þurfti í raun bara að ná bragðinu af pönnunni í þær og hita þær aðeins upp. Ég fylgdist því bara vel með hörpudisknum og ætli þetta hafi ekki verið ca 5 mínútur.
Skelfiskurinn var svo borinn fram með salati, ristuðu kímbrauði og hvítlaukssósu.
Hvítlaussósan:
- 15 g smjör
- 20-40 g grísk jógúrt
- 2 hvítlaugsgeirar
- steinselja (fersk eða þurrkuð)
Smjörið er brætt í potti eða á pönnu og rifnum hvítlauk bætt út á ásamt smá steinselju. Hvítlaukurinn er aðeins látinn malla í smjörinu og tekinn af hitanum áður en hann byrjar að verða brúnn og stökkur. Bráðnu hvítlaukssmjörinu er helt í litla skál og grísku jógúrtinni bætt saman við og hrært vel. Smjörið er síðan kælt í ískáp á meðan verið er að helda sveppina og skelfiskinn.
Máltíð í hádeginu inniheldur:
- 115 g skelfiskur
- 150 g steiktir sveppir
- 50 g blandað salat
- 40 g kímbrauð
- 15 g smjör
