Lambahjörtu með nípumús og sósu eru ótrúlega ódýr og góður matur.
Lambahjörtu voru hreinlega uppáhaldsmaturinn minn þegar ég var lítil. Ég bað oft um að fá hringi í matinn en það kallaði ég réttinn í takt við útlit kjötsins eftir eldun.
Lambahjörtu:
- 4 lambahjörtu
- Best á allt kryddið
- Lambakjötskrydd
- Salt
- Pipar
- Lárviðarlauf
Lambahjörtun kaupi ég annaðhvort fersk eða frosin og læt þau þá þiðna í ísskáp yfir nótt. Ég er elda oftast 4 hjörtu fyrir 2 og ég á yfirleitt smá afgang fyrir mig í nesti daginn eftir. Hjörtun eru ekki síður góð upphituð.
Ég byrja á því að skera æðarnar og þykkustu fituna af hjörtunum. Því næst sker ég hvert hjarta í sneiðar þannig að úr fást hringir. Hringina brúna ég á pönnu og krydda með lambakjötskryddi, Best á allt kryddinu, salti og pipar. Þegar hjörtun eru orðin vel brúnuð þá helli ég sjóðandi vatni út á þannig að það fljóti yfir kjötið og bæti 1-2 lárviðarlaufum út í soðið. Hjörtun sýpð ég svo pönnunni í einn klukkutíma. Að þeim tíma liðnum eru hjörtun tilbúin og vökvinn sem eftir er er fínasta sósa.
Nípumús:
- 2 meðalstórar nípur á mann (4 ef eldað er fyrir 2)
- 15g smjör
Skrælið nípurnar og skerið í bita. Sjóðið í léttsöltuðu vatni í ca. 20 mínútur. Hellið vatninu af og notið töfrasprota eða lítinn blender til að mauka nípurnar í mús. Vigtið nípumúsina og bætið svo 15 g af smjöri út í og hrærið vel saman. Ég fæ mér í 300-320 g af nípumús með 15 g af smjöri.
Kvöldmatur: Lambahjörtu (120 g), nípumús (320 g nípur + 15 g smjör), sósa (án þykkingar) and kímbrauð (30 g) með smjöri (15 g).
