Ég er alltaf til í að finna fráhaldsvænar leiðir til að borða humar. Hér er uppskrift að mjög einfaldri humarsúpu eða humarsoði með graskersvöfflum.
Humarsúpa
- 100g skelflettir humarhalar
- 15 g smjör
- 20g g-mjólk
- 1dl vatn
- Hvítlaukskrydd
- Steinselja
- kraftur eða grænmetisduft
- salt og pipar
Steikja humar á pönnu upp úr olíu/smjöri. Krydda eftir smekk. Bæta við smjöri, mjólk, vatni og krafti og láta sjóða í smá stund.
Graskersvöfflur
Geggjaðar mini graskersvöfflur.
- 80 g eldað grasker / butternut squash
- 50 g hveitikím
- 1 tsk sesamfræ
- 1 msk hörfræ, möluð í kaffikvörn (má sleppa)
- Herbamate salt
- 1 msk heitt vatn
Gott að nota afganga af graskeri sem hefur verið eldað t.d. daginn áður. Byrja á að hita graskerið í örbylgjuofni í 1 mín. Vigta og blanda þurrefnum í skál og stappa svo graskeri saman við. Bæta heitu vatni við eftir þörfum. Blandan á að vera frekar þykk.
Hita vöfflujárn og spreyja lét með olíu ef þess þarf. Baka vöfflu úr deiginu þar til elduð í gegn. Mjög gott er að dýfa vöfflunni í humarsúpuna.
Ég nota lítið vöfflujárn sem ég keypti á Amazon til að fá litlar vöfflur með djúpu munstri sem halda vökva vel. Ég mæli algjörlega með þessu vöfflujárni.